GL Pidgin!! Police Don Arrest Naija Wrestling Champion Unto Him Wife Death
Police dpn arrest Nigerian wrestling champion, wey him name be Power Uti, unto d way him wife, Toyin, take die for dia house for Ilupeju Lagos.
Police Public Relations Officer, Famous Cole wey confam d tori, yan say dey don call Power Uti, say make him show for d Ilupeju Police station and dem go transfer am go to d Criminal Investigative Department, P@nti for Lagos today.
Tori carry am say na Power Uti first find him wife dead body on Monday morning, but instead of am to carry am hospital, him go church go find spiritual help.
D woman wey die so, bin be 38 years old and she get four children wey be say all of dem dey under d ages of nine. She dey unemployed and she don marry dis man for 10 years until she die so.
Dey don carry her body go deposit for Isolo general hospital, while her four children dey under d care of her mama.
Plenty people talk say as at last night, d death bin cause great shock for d Ilupeju area, as Power Uti na very popular personality, unto him sporting career.